© 2005 Theo Kleynhans Bloedsuiker

Bloedsuiker

Bloedsuiker première by vanjaar se Aardklop kunstefees en is ‘n aanspraakmaker op die AngloGold Ashanti /Aardklop Smeltkroesprys vir die skrywer wat die beste nuwe verhoogteks op die planke bring.

Pedro Kruger vertolk die rol van Hannes terwyl Petro van den Heever die rol van ‘n aktrise genaamd Bertha vertolk.

Die stuk gaan oor twee ou lovers wat op ‘n vreemde wyse vasgevang word in die stoorkamer onder die verhoog en dit is hier waar ‘n veel groter drama hom begin afspeel – kan selfmoord op Valetynsdag so anders uitdraai?

Bloedsuiker is n veelvlakkige produksie en mens is nooit seker of jy moet lag of huil nie. Daar is ook ‘n verrassingselement in die stuk wat tesame met die subteks sorg vir ‘n boeiende teaterervaring.

Soos die skrywer Theo Kleynhans dit verwoord, “Ek het probeer om ‘n teks te maak wat aan die een kant deur die deursnit teaterganger as goeie vermaak gelees sal word maar vir die meer ingeligte kyker ‘n spieël sal ophou oor waar kunstenaars in die hedendaagse Suid Afrika hulself bevind. So word die karakters en alles wat met hulle gebeur metafore van die toestand van die kunste en die mense wat daarmee besig is.”